Жолаушыларға жат ағымдардың қауіптілігі түсіндірілді

Ағымдағы жылдың 3-қыркүйегі күні сағат Дін мәселелерін зерттеу орталығының ұйымдастыруымен Қазақстан Республикасының діни экстремизм мен терроризмге қарсы іс-қимыл жөніндегі 2018-2022 жылдарға арналған мемлекеттік бағдарламасы аясында деструктивтік діни ағымдардың алдын алу мақсатында тұрғындар арасында ақпараттық түсіндірме жұмыстары жүргізілді.

Облыс орталығындағы Темір жол вокзалының жолаушылары мен сол маңдағы такси жүргізушілеріне арналған акция аясында орталық тарапынан әзірленген түрлі тақырыптардағы ақпараттық бүктемелер таратылып, тұрғындардың сауалдарына жауап берілді.