17 шілдеге арналған ауа райы болжамы

Бүгін елімізде Кіші Азия аудандарынан ыстық ауаның шығуына байланысты оңтүстікте және оңтүстік-батыста аптап ыстық болып, ауа температурасы 40-43 градусқа дейін жетеді, деп хабарлайды Baq.kz ақпарат агенттігі.

Қазгидрометтің мәліметіне қарағанда, еліміздің оңтүстігінде және оңтүстік-батысында, сондай-ақ батыс өңірінің кей жерлерінде ауа температурасы плюс 40...43 градусқа жетеді. Сонымен қатар аталған өңірлерде жауын-шашынсыз, аптап ыстық болады деп болжанады.

Республиканың шығыс және оңтүстік-шығыс облыстары жоғары барийлік шұңқыр және сонымен байланысты атмосфералық фронттар ықпалында болады. Осы өңірлерге Сібірден салқын және ылғалды ауа келеді, сондықтан мұнда кей жерлерде найзағайлы өткінші жаңбыр жауады. Осы мезгілге қалыпты ауа-райына жақын температура сақталады.

Солтүстік облыстарға Кола түбегінде орналасқан антициклон тарамдары ауысады. Соның нәтижесінде жауын-шашын тоқталады.