Жастар арасындағы құқық бұзушылықтың алдын алу бойынша кезекті топ түсіндірме жұмыстарын жүргізді.

Аудан әкімінің орынбасары Жалғас Сүйеубаев бастаған арнайы құрам Әйтеке би кентіндегі кафелер, компьютерлік клубтар, орталық стадион, саябақ, спорт алаңдары, тойханалар мен мейрамханалар араланып, кәмелетке толмаған жасөспірімдерді тәртіпке шақырды.

Жалғас Оңғарұлы бастаған топ рейд барысында Әйтеке би кентінің шет аймақтарында аралап, белгіленбеген жерге қоқыс тастаған тұрғындарды да бақылады.