Бүгін шығыста қар жауады
«Қазгидромет» синоптиктері 26 қыркүйекке арналған ауа райы болжамын ұсынды.Антициклонның әсерінен Қазақстан аумағының басым бөлігінде жауын-шашын жаумайды.
Тек еліміздің солтүстігінде, шығысында атмосфералық фронт әсерінен жаңбыр, шығысында жаңбыр мен қар жауады.
Республика бойынша түнде және таңертең тұман түседі, оңтүстік-батыста, оңтүстікте, шығыста екпінді жел соғады.
Шығыс Қазақстан облысының шығысында түнде 2 градус үсік жүреді.
Қызылорда облысының орталығында, шығысында, оңтүстігінде төтенше өрт қаупі бар.
Жамбыл, Қарағанды облысының оңтүстігінде, Түркістан облысының шөлейтті аймағында өрт қаупі сақталады.
