Қазақстанда обаға қарсы күрес мамандарының жалақысы мардымсыз, еңбегі бағаланбайды - Депутат
Еліміздегі обамен күрес мекемелерінің басшылығы қызметкерлерінің еңбегі бағаланбайтынын айтып, шағымданған. ҚР Парламенті Сенатының бір топ депутаты осы жағдайға қатысты Премьер-министрге депутаттық сауал жолдады деп хабарлайды stan.kz.“Осы мамандыққа оқымаса да, бұл қызметкерлердің білігі мен тәжірибесі салалық жоғары білімі барлардан еш кем түспейді. Ал биологиялық вирустарды қоздырғыштармен жұмыс істей отырып, денсаулығын қауіпке тіккені үшін жалақысының 50 пайызына тең келетін өтемақыны обамен күрес қызметінің бар болғаны 23 пайызы қамтамасыз етілген”, - дейді ҚР Парламенті Сенатының депутаты Ақмарал Әлназарова.
Қалыптасқан ахуал салдарынан аталмыш қызметтегі маман тапшылығы туындауы әбден мүмкін. Осылай деп дабыл қаққан депутаттар екінші жарты жылдықтан қалдырмай мәселені шешуді талап етті. Өйтпеген жағдайда еліміздің биологиялық қауіпсіздігі қатерге ұшырауы ғажап емес.
