Үй сатып алу сиреді
Биылғы қазанда тұрғын үй сатып алу және сату бойынша 34 336 мәміле жасалған, оның ішінде жеке үйлер бойынша тіркелген мәмілелер саны – 7 980, ал пәтерлер бойынша жасалған мәмілелер саны – 26 356.2022 жылғы қыркүйекпен салыстырғанда (36 241) тұрғын үй сатып алу-сату мәмілелерінің саны 3,8%-ға кеміді. Мәмілелер саны бойынша бұрынғыдай Алматы (7 133 немесе жалпы санынан 20,7%) мен Астана (5 670 немесе жалпы санынан 16,5%) қалалары көш бастап тұр. Алып сатудың ең аз саны Ұлытау облысында – 322 (жалпы көлемнен 0,9%).
Қыркүйек айымен салыстырғанда ең көп өсім қазан айында Алматы қаласында (12,5%), Батыс Қазақстан (9,3%) және Қостанай облыстарында (7,1%) тіркелді. Ал Қызылорда (-36,7%) және Түркістан (-17,2%) облыстарында көрсеткіш, керісінше айтарлықтай төмендеген.
Биылғы қыркүйек айымен салыстырғанда көппәтерлі үйлердегі алып-сату келісімдерінің саны 980-ге азайды. Дегенмен жеке үйлерге қарағанда пәтерлерге сұраныс көп: қазан айында барлығы 26 356 пәтер сатылды, бұл – мәмілелердің жалпы санының 76,8%-ы. Бөлмелер саны бойынша 1 бөлмелі пәтерлер қатарынан үшінші ай сұраныста қалып отыр. Қазан айында бір бөлмелі 10 515 пәтер ресімделді, сауданың негізгі үлесі Алматы және Астана қалаларына (жиынтық үлесі – 55,4%) тиесілі. 2 бөлмелі пәтер бойынша 9 294 мәміле жасалды.
2022 жылдың қыркүйегімен салыстырғанда жеке тұрғын үйлер бойынша мәмілелер саны Солтүстік Қазақстан облысы (+5) мен Қостанай (+50) облыстарында ғана өсті, қалған барлық өңірде төмендеу байқалады.
2021 жылғы қазанмен салыстырғанда мәмілелер саны 22,8%-ға азайды. Көрсеткіштің ең қатты төмендеу құбылысы Шығыс Қазақстан облысында байқалды (-56,1%). Теріс көрсеткіш Алматы қаласынан өзге барлық өңірде тіркелді, Алматы шаһарында мәмілелер саны былтырғы қазан айымен салыстырғанда, керісінше 9,1%-ға өскен.
