«Алда болатын референдумның ең негізгі ой-түйінін осы сөзбен айтуға болады. Президент өзінің туған халқына барынша мол бостандық беруді мақсат етіп отыр. Халық өз тағдырын өзі шешетіндей болуы үшін, мемлекеттің ісін барлық өлшем бойынша халықтың өзі айқындайтын жағдай жасау үшін референдум өткізгелі отыр. Референдумға қатысып, ой-пікірлеріңізді ашық айту, қоғамға үн қосу еліміздің жарқын болашағына, жаңа өміріне қадам жасайтын маңызды күн екенін естен шығармаңыздар. Бәріміз бір кісідей жұмылсақ қана өзіміз қалағандай Қазақстанды құра аламыз,- деді тұрғындарға Конституциялық  өзгерістерді жан-жақты жеткізіп,  референдумның маңыздылығына тоқталған Мәжіліс депутаты Геннадий Шиповских.

Өз кезегінде сөз алған облыстық штаб мүшесі Мнәжадин Өтеев тарихи сәтте елдің болшағы үшін әрбір азамат өзіндік ұстанымын білдіру үшін  референдумға қатысу қажеттігін айтып, ауыл тұрғындарын өзгерістер үшін дауыс беруге шақырды.

Жиын соңында ауыл тұрғындары өзгерістерге қатысты өз ойларын ортаға салып, ауыл болып науқанға бір кісідей қатысатындарын айтты.