"Қазгидромет" мәліметінше, атмосфералық фронтальді бөліктердің өтуіне байланысты Қазақстанның басым бөлігінде ауа райы тұрақсыз болады. "Солтүстік және шығыс өңірлерде боран соғып, қар жауады. Республиканың оңтүстігінде қатты жауын-шашын (жаңбыр, қар) болады деген болжам бар", - деп жазылған хабарламада. Сондай-ақ 23-24 наурызда елдің батысы солтүстік-батыс антициклонның ықпалында болады. "Мұнда жауын-шашын жаумайды. Елде тұман түсіп, жел күшейеді. Қазақстанның шығысында, солтүстігінде және орталығында түнде ауа температурасы минус 5-13 градустан 10-18 градусқа дейін төмендейді. Күндіз ауа температурасы минус 0-8 градус болады. Республиканың оңтүстігінде ауа температурасы түнде 0-8 градус, күндіз 2-10 градус жылы болады деген болжам бар", - деп жазылған хабарламада.