Парламент республикалық бюджеттің сапалы орындалуына бақылауды күшейтуі қажет. Осы орайда, Есеп комитетінің орнына Жоғары аудиторлық палата құруды ұсынамын. Оның төрағасы Мәжіліс депутаттары алдында жылына екі рет есеп беруі тиіс. Осылайша, Мәжілістің мәртебесі арта түседі, - деп атап өтті Президент.Сондай-ақ Президент облыс әкімдерін тағайындау тәртібін өзгерту керектігін алға тартты.
Азаматтардың өкілді билікке деген сенімін нығайту үшін мәслихаттарға аса мән берген жөн. Мықты мәслихаттар өзекті мәселелердің шешімін табуға және аймақтардағы тұрмыс сапасын жақсартуға әсер ете алады. Олардың рөлін арттырып, дербестігін қамтамасыз ету үшін мәслихат төрағасы лауазымын енгізген жөн. Сондай-ақ мәслихаттардың ықпалын барынша күшейту үшін облыс әкімдерін тағайындау тәртібін өзгерту қажет деп санаймын. Қазір мәслихат депутаттары Мемлекет басшысы ұсынатын бір ғана кандидатураға келісім береді немесе келісім бермейді, - деді Қасым-Жомарт Тоқаев.#Қасым-Жомарт Тоқаев #мемлекет басшысы #Жолдау