Дәрігер "постковидтік" синдромнан қалай айығуға болатынын айтты
"Постковидтік" синдромнан айығу үшін спортпен айналысу таптырмас құрал болып табылады. Бұл туралы ресейлік дәрігер-терапевт Ярослав Ашихмин Lenta.ru-ға мәлімдеді, деп хабарлайды Stan.kz ақпарат агенттігі. "Постковидтік синдромнан ешқандай дәрі айықтырмайды. Көптеген адамдар келіп жатыр. Барлығы дәрі сұрайды, уайымдайды. Бұл жерде жалғыз көмектесетін нәрсе - оңалту курсы. Ал постковидтік оңалту біртіндеп физикалық ауырлықты арттырудан тұрады", - деді дәрігер.
COVID-19-бен ауырып шыққан адамға спорттың нақты бір түрімен айналысуға кеңес берілмейді. Адам өзінің жаны қалайтын спорт түрімен айналысса болады.
"Дерт неғұрлым ауыр болса, соғұрлым физикалық күш түсіру маңызды екенін түсіндік. Егер ешқандай қарсы көрсетілім болмаса, адам өзін бірқалыпты сезінсе, жүрегі жақсы жұмыс істеп, өкпесінде ақау болмаса, спортты кеңес ету қажет", - деді маман.
