Қоғамдық кеңес отырысы өтті
Бүгін "Nur Otan" партиясы Қазалы аудандық филиалы жанындағы Білім мен ғылымды дамыту және ұлт денсаулығы мәселелері жөніндегі қоғамдық кеңес отырысы өтті. Аталған отырысқа «Nur Otan» партиясы Қазалы аудандық филиалы төрағасының бірінші орынбасары Нұрғиса Жалғасбаев, білім мен ғылымды дамыту және ұлт денсаулығы мәселелері жөніндегі қоғамдық кеңесінің төрайымы Ләззат Ізбасқан және кеңес мүшелері Ғазиз Әліш, Болат Жолтаев, Күншығар Әбілов, Алтынкүл Құрақбаева және Қуаныш Көмекбай қатысты.Күн тәртібіндегі мәселе «Nur Otan» партиясының сайлауалды бағдарламасын іске асыру жөніндегі Қазалы ауданы бойынша Жол картасындағы Әйтеке би кентінен 250 келушілерге арналған емхана және Жалпақ, Жұбан елді мекендеріндегі медициналық бекет құрлыстарын жүргізу индикаторларының орындалуы туралы ауданаралық орталық ауруханасының бас дәрігерінің бастапқы медициналық-санитарлық көмек көрсету жөніндегі орынбасары Күншығар Әбілұлы баяндама жасады. Жиын соңында кеңес мүшелерінің тарапынан бірқатар ұсыныстар айтылып, қорытындыланды.
"Nur Otan" партиясы Қазалы аудандық филиалы
