Қазалы Qazaly.kz ақпараттық агенттігі
» » Ashyq-тағы өзгеріс: QR-кодты қайта-қайта сканерлеудің қажеті жоқ

Ashyq-тағы өзгеріс: QR-кодты қайта-қайта сканерлеудің қажеті жоқ

Жаңа функцияның арқасында телефонды бұғаттан шығарғаннан кейін авторизацияға уақыт кетірмей, қосымшаны бірден пайдалана беруге болады. Aitu қосымшасын шығарушылар жаңа функцияны іске қосты. Соның арқасында Ashyq-тағы ковид-статусын бірден көрсете салуға болады, деп хабарлайды Sputnik Қазақстан BTS Digital компаниясына сілтеме жасап.

Android негізінде жұмыс істейтін телефон арқылы жаңа функцияны пайдалану үшін алдымен Google Play-дан Aitu қосымшасын жүктеп, авторизациядан өту керек. Одан кейін "Қосымшалар" бөлімінде Ashyq-қа кіріп, "Үй экранына қосу" батырмасын басу қажет. iOS смартфонын пайдаланатын адамдар да дәл солай істейді.

Үстінде қосымшаның атауына басқаннан кейін QR сканерді жауып тастайды. Содан соң "Бөлісу" және "Көшірме жасау" батырмасын басады. Осылайша, қосымшаның өзіне сілтеме көшіріледі. Одан кейін сілтемені браузерге салып, "бөлісуді" басып, "үйге экранға" дегенді таңдау қажет. iOS қолданушылары қосымшаға өз атауын да бере алады.

"Бүгінде QR-кодты сканерлеу үшін алдымен авторизациядан өту керек. Ал Aitu-дағы жаңа функцияның арқасында авторизация сақтала береді. Соның арқасында қосымшаны ешбір шектеусіз пайдалануға мүмкіндік бар. Бұл дегеніміз, телефонды бұғаттан шығарғаннан кейін қосымшаны бірден іске қосуға болады. Осы функция уақытты үнемдеуге көмектеседі", - BTS Digital менеджері Нұрсұлтан Ахметов.
Айта кетері, BTS Digitalт компаниясы бірініші болып Ashyq қызметін Aitu платформасына енгізді.
05 қазан 2021 ж. 540 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031