Бағалау матрицасы: «қызыл» аймақтағы өңірлердің тізімі белгілі болды
Денсаулық сақтау министрлігі 29 қыркүйектегі жағдай бойынша Қазақстан өңірлеріндегі эпидемиологиялық ахуалды бағалау матрицасын жариялады.Бағалау матрицасына сәйкес, «қызыл» аймақта: Нұр-Сұлтан, Алматы қалалары, Ақмола, Қарағанды, Павлодар облыстары тұр.
«Сары» аймақта : Шымкент қаласы, Атырау, Алматы, Ақтөбе, Қостанай, Солтүстік Қазақстан, Батыс Қазақстан, Шығыс Қазақстан облыстары.
«Жасыл» аймақта: Түркістан, Жамбыл, Маңғыстау, Қызылорда облыстары.
Кеше Үкімет отырысында Денсаулық сақтау министрі Алексей Цой Қазақстанда коронавирусқа шалдығу 36 пайызға төмендегенін айтты. Қазақстанда тамыз айының екінші жартысынан бастап эпидемиологиялық ахуалдың тұрақтануы байқалады, науқастану 3,2 есеге, ал өлім-жітім 2,7 есеге төмендеді.
