Алдағы кезеңде ЕАДБ ин­те­грациялық тиімділігі бар трансшекаралық инвести­ция­лық жобаларды іске асы­руға назар аударады. Бес жыл­дық кезеңде банк инвести­ция­ла­рының жиынтық көлемі 10,9 млрд долларды құрайды.

ЕАДБ-ның күш-жігері «Еуропа – Батыс Қытай» кө­лік-цифрлы дәлізі, ЕАЭО+ бірыңғай тауар өткізу желісі және Орталық Азияның су-энергетика кешені сияқты ірі инвестициялық жобаларды іске асыруға бағытталатын болады.

Аймақтың макро­эконо­ми­калық сипаттамаларын ес­кере отырып, банкке қа­ты­су­шы елдердің әрқайсысы бо­йынша жекелеген стратегия әзірлеу жоспарлануда. Тұ­рақ­ты даму мақсаттарына қол жет­кізу мақсатында ЕАДБ Ар­мения, Қырғызстан және Тә­жікстандағы инвести­ция­лардың жиынтық мөлшерін 500 млн долларға дейін жеткізе отырып, миноритарлық акцио­нерлер елдеріндегі жобалау қызметін кеңейтеді.

ЕАДБ жұмысының басым бағыттарының бірі ЕАЭО+ бірыңғай цифрлы кеңістігін қалыптастыру шеңберінде цифр­лы құзыреттер мен инфра­құрылымды одан әрі дамыту болады. Қойылған міндеттерді іске асыру үшін 2020 жылғы маусымда банкте Цифрлы бас­тамалар қоры құрылды, ол қазіргі уақытта 20-ға жуық жобаны пысықтауда. Қордың алғашқы іске асырылған жобасы келушілердің ПТР-тес­тілеуі туралы деректерді мем­лекетаралық деңгейде верификациялауға арналған «COVID-19-сыз саяхат» мо­бильді қосымшасы болды.

2027 жылға қарай ЕАДБ ұлттық және халықаралық даму институттарының қатысуымен аймақта жаңа жобаларды қар­жыландыру, құрылымдау және ұйымдастыру бойынша көшбасшы болуға ниетті. Бұл ретте А санатындағы кредиттік рейтинг алу үшін акционерлер құрамын кеңейту және банк капиталына қосымша қаражат тарту жоспарлануда.

2020 жылы ЕАДБ 18 жаңа жоба бойынша 1,336 млрд долларлық келісімге қол қойды. Банктің ағымдағы инвес­тициялық портфелі оның қызмет еткен барлық жылдарындағы ең жоғарғы мәнге – 4,4 млрд долларға дейін ұлғайды. Бұл ретте интеграциялық әсері бар жобалардың үлесі 64,3% құрады. 2020 жылы таза пайда 32,6 млн долларды құрады.

Банктің қаржылық тұрақ­тылығы Moody’s – Baa1, Fitch – BBB+, Standard & Poor’s – ВВВ, АКРА – А- рейтинг агенттіктерінің жоғары баға­ларымен расталады. Ұлт­тық шкала бойынша рейтингтер: Fitch – AAA (KAZ), АКРА – AAA (RU).

ЕАДБ «жасыл экономиканы» дамытуды қолдауға ерекше назар аударады – жаң­ғырмалы энергия көздері саласындағы жаңа жобаларды қаржыландыру қамтамасыз етілді, «Астана» Халықаралық қаржы орталығы жанындағы жасыл қаржы орталығының жарғылық капиталындағы үлесі сатып алынды, осы салада БҰҰ ұйымдарымен бірлесіп белсенді жұмыс жүргізілуде.

Қатысушы елдердің ұлт­тық банктеріндегі ЕАДБ кор­респонденттік шоттары арқылы ұлттық валюталарда транс­шекаралық төлемдерді жүзеге асыруға мүмкіндік беретін банктің есеп айырысу-төлем жүйесі табысты жұмыс істеуде.