Мамандар вакцина салдырғандарды келесі екпеге дайын болуға шақырды
2021 жылы коронавирус инфекциясына қарсы вакцина салдырған адамдар 2022 жылы қайта вакциналауға дайын болуы керек. Бұл туралы Funke медиатобының басылымдарына берген сұхбатында Германияның вакцинация жөніндегі тұрақты комиссия басшысы профессор Томас Мертенс мәлімдеді, - деп хабарлайды Deutsche Welle."Вирус жоғалып кетпейді. Сондықтан қазіргі коронавирусқа қарсы вакцинация соңғысы емес. Біз келесі жылы вакцинацияға дайын болуымыз керек", - деді ғалым.
Германия Әлеуметтік-демократиялық партиясының денсаулық сақтау жөніндегі сарапшысы, бұрынғы эпидемиолог Карл Лаутербах вакцинациядан кейін иммундық қорғаныс алты айға созылатынын айтты. Сондықтан тұрғындар күзде қайта вакцинациядан өтуі керек, деді саясаткер.
