Оқушылардың спортпен айналысуына қаражат бөлу жағына келетін болсақ, республика көлемі бойынша 58 іс-шара жоспарланған. Оның ішінде көзделетін қаражаттың барлығы бюджетте қарастырылған. Биылғы жылға 226 миилион теңге бөлініп отыр. Шамамен бір оқушының спорттық жарысқа қатысуы 100 мың теңгені құрайды. Ал өңірлердегі оқушылардың спорттық жарыстарға баруға қаржысы болмай жататынын естіп қаламыз. Бірақ оған біздің қаржы бөлетін құқығымыз жоқ. Мұндай мәселемен жергілікті әкімдік айналысуы керек, - дейді вице-министр Мәжілістің әлеуметтік-мәдени даму комитетінің отырысында.

Ол бұл мәселені облыс әкімдерінің орынбасарларына вице-премьер Ералы Тоғжановтың қатысуымен өткен жиналыста айттық деп отыр.

Министрлікке қатысты спорт федерацияларымен жұмыс істемейді дегендей сын айтылып қалды. Жалпы елімізде 150 спорттық федерация бар екен. Білім және ғылым министрлігі олардың 60-ымен байланыс орнатқан. Бірақ неліктен Мектеп спорты федерациясының бас директоры Зейнолла Ақан мырза қарым-қатынас жоқ дегенін түсінбедім. Сіздің тараптан ұсыныс болса, біз қарастыруға дайынбыз, - деді Шолпан Қаринова.