Видео авторы дүкен есігіндегі ұрлыққа қарсы дабыл жүйесі жақтауына белгісіз құрылғыны жақындатып өлшеу жүргізеді. Ер адам камераға өлшеу нәтижелерін көрсетіп, көрсеткіштің "мыңға жеткенін" мәлімдейді. Оның айтуынша, бұл қауіпті ауруларды тудыруы мүмкін.

Видеода қолданылған құрылғы - электромагнит сәулеленуін анықтайтын ЭМС BR-9A ықшам өлшегіш құралы.

"Оны қытайлық интернет-дүкендерден 19 еуроға сатып алуға болады. Өндірушінің айтуынша, құрылғы қуаттың спектрлік тығыздығын, электр және магнит өрістері қуатын өлшей алады. Құрылғы көрсеткіштері дәлдігіне кепілдік және оны калибрлеу туралы еш жерде айтылмаған. Кейбір сатып алушылар пікіріне сүйенсек, құрылғы көрсеткіштері дәл емес", - деп жазады Stopfake.

Басылымның мәліметіне сүйенсек, видеода көрсетілген электромагнит өрісін өлшеу әдісі дұрыс емес. Адам немесе басқа тірі ағзаларға әсері туралы нақты қорытынды жасау үшін бірнеше орында өлшеу жүргізу қажет. Мысалы, дүкен туралы айтсақ, қызметкерлердің жұмыс орны, сауда залы және қойма.

"Видеода өлшеу құралы жақтауға тығыз басылып өлшенгенін көруге болады. Дегенмен, құрылғы көрсеткіші рұқсат етілген нормадан асқан жоқ. Ол жиілікке байланысты сигнал қуатының таралуын сипаттайтын функция (жиіліктің бір интервалына келетін қуат). Мұндай көрсеткішті өлшеу құралының объектіге барынша жақын ұсталғанымен түсіндіруге болады", - деп жазылған порталда.

Адамдар үшін магнит өрісінің әсер ету нормасы 40 мТ шегінде белгіленген. Видеодағы құрылғы 33,655 мТ көрсетті, бұл максималды рұқсат етілген мәннен аспайды.

"Электромагниттік сәулелену иондаушы емес, яғни "радиация" термині оған қолданылмайды. Видеода пайдаланылған құрылғы көрсеткіштері дәлдігін растау мүмкін емес. Осыны ескерсек, көрсеткіштер адамға қауіп төндірмейді".