Мықтылар таңдайтын мамандық

1995 жылы Президент Жарлығымен Қазақстан Республикасының төтенше жағдайлар жөніндегі мемлекеттік комитеті құрылған болатын. Осының негізінде 19 қазан Құтқарушылар күні болып белгіленді. Құтқарушы мамандығының ең басты міндеті адам өмірін құтқару, бұл жоғары және жауапты миссия. Халықтың бейбіт өмірі, тұрмыстағы, өндірістегі қауіпсіздігін қамтамасыз етіп, апаттық жағдайға жол бермеуде сала мамандарының басты парызы. Апат айтып келмейді. Тосыннан болған оқыс оқиға кезінде азаматтарға бірінші болып көмекке ұмтылатын төтенше жағдайлар қызметінің құтқарушылары. Оған үлкен жүрек, машық, білім мен білік және тәжірибе керек. Осындай кез келгеннің қолынан келе бермейтін жауапкершілік жүгін арқалаған азаматтардың жұмыс күні қалай өрбейтіні кім-кімді де қызықтырмай қоймайды. Қиын саланың қыр-сырын көзбен көріп, өрт сөндірушінің бір күндік жұмысын оқырманға жеткізу мақсатында Әйтеке би кентіндегі №9 Өрт сөндіру бөліміне бас сұқтық. Бөлім жұмысынан арнайы дайындалған фоторепортажды назарларыңызға ұсынамыз!

Фото: Ұлболсын ТАЛАПБАЕВА

Серік АҚМЫРЗА