Нарықта мұнай қымбаттауы мүмкін
Нарықта мұнай қымбаттауы мүмкін. Рейтерс агенттігінің ақпаратына қарағанда оған Ресейге салынған санкциялар мен аймақтағы тұрақсыз ахуал әсер етті. Қақтығыс басталған алғашқы күні брент маркалы қара алтын құн 105 долларға дейін жетіп, кейін қайта төмендеген.Бірақ бүгін бес долларға қымбаттады. Қазір нарықта брент маркасы 99 доллар шамасында саудаланып жатыр. Елдің ұлттық энергетика министрлігінің есебі бойынша, егер мұнай бағасы 89 доллардан жоғары болса, ұлттық қорға түсетін қаржы сомасы қосымша екі триллион теңгеге толығады. Сарапшылар жанармайға сұраныс артатын жаз кезінде қара алтын құны 130-140 долларға дейін барады деген болжам жасап отыр. Бірақ кей сарапшылар егер батыс елдері мен АҚШ Ресейдің мұнайына санкция салса, Қазақстанның қара алтын экспорты да қиындыққа ұшырауы мүмкін дейді.
