Тоқаев Ұлттық қоғамдық сенім кеңесінің отырысында сөйлеген сөзінде кейінгі жылдары елде алаяқтық қылмыстардың саны өсіп келе жатқанын атап өтті. Оның айтуынша, 2021 жылдың 9 айында елімізде 32 мың алаяқтық дерегі тіркелген. Олардың жартысы интернет арқылы жүзеге асырылған.

"Мұндай жағдайлар несие тарихындағы өзгерістердің 15 жұмыс күніне дейінгі мерзімде жаңартылуына байланысты болып отыр. Сонымен қатар, бір адам түрлі банктен бірнеше несие алғаны анықталды. Несие берушілер азаматтардың қарыз жүктемесінің күрт өсуін көрмейді, оны жалпы есептей алмайды. Бұл теріс сипаттағы қарыздарды ұлғайтып, қаржы нарығының субъектілеріне теріс әсер етеді. Кеңес мүшелері бұған дейін несие бюросына ақпарат беру мерзімін бір жұмыс күніне дейін қысқартуды ұсынған болатын. Бұл ұсынысты зерделеген жөн", - деді Мемлекет басшысы.