Қазалы Qazaly.kz ақпараттық агенттігі
» » Ұлттық банк бағаның өсуін қалай тоқтататынын айтты

Ұлттық банк бағаның өсуін қалай тоқтататынын айтты

Ұлттық банк төрағасы Ерболат Досаев инфляцияны 2022 жылы 4-6% дәлізге қалай қайтаратынын айтты, деп хабарлайды Sputnik Қазақстан.
Айтуынша, биыл инфляцияның жеделдеуіне азық-түлік бағасының шарықтауы себеп болған. Сегіз айдың қорытындысы бойынша азық-түлік бағасы 11,4%-ке өскен.

"Оны осы жылдың соңына қарай 8%-ке дейін төмендету үшін үкімет пен әкімдер реттеушілік сипаттағы және монополияға қарсы ықпал етудің тиімді уақытша шараларын негізге алып, жекелеген нарықтарда маусымдық күтпеген өзгеріс мен теңгерімсіздікті жою бойынша жедел шаралар қабылдайды", - деді Досаев үкімет отырысында.

Инфляцияны тұрақтандыру үшін үкімет тауарлар өндірісі, экспорты мен импорты балансын қатаң сақтай отырып, ішкі нарықты жан-жақты толықтыру, агроөнеркәсіптік кешеннің өнімділігін арттыру және тиімді тауар өткізу жүйесін дамыту жөніндегі бастамаларды іске асырмақ.

"Бұл азық-түлік инфляциясын 2022 жылы 6%-ке дейін және 2023-2024 жылдары 5%-ке дейін төмендетуге мүмкіндік береді", - деді ол.
Ұлттық банк азық-түлікке жатпайтын инфляция 2022 жылы 5%-ке дейін, ал 2023-2024 жылдары 4%-ке дейін төмендейді деп болжап отыр.

Досаев 2023 жылдан бастап бағаны әкімшілік реттеуден халықтың әлеуметтік осал топтарына атаулы көмек көрсетуге ауысуды бастау орынды деп есептейді. Бұл сервистік инфляцияны 2022-2024 жылдары 4% деңгейінде тұрақтандыруға мүмкіндік береді.

Айтуынша, ұсынылатын шаралардың тиімділігі көбіне өңірлердегі жұмыстың жұмыла ұйымдастырылуы мен үйлестірілуіне байланысты болады. Сол себепті Ұлттық банк инфляцияны тұрақтандырудың арнайы жоспарларын қабылдап, өңірлермен бөлек-бөлек жұмыс жүргізуді ұсынды.

Ұлттық банк баға тұрақтылығын қамтамасыз ету үшін дезинфляциялық ақша-кредит саясатын жүргізуді жалғастырады.

07 қыркүйек 2021 ж. 553 0

Руханият

Мен өмірді қалаймын

Мен өмірді қалаймын

08 қараша 2024 ж.
Мен өмірді қалаймын.

Мен өмірді қалаймын.

08 қараша 2024 ж.
Мен өмірді қалаймын

Мен өмірді қалаймын

07 қараша 2024 ж.
Мен  өмірді қалаймын!

Мен өмірді қалаймын!

07 қараша 2024 ж.
Мен өмірді қалаймын

Мен өмірді қалаймын

04 қараша 2024 ж.

Жаңалықтар мұрағаты

«    Сәуір 2025    »
ДсСсСрБсЖмСбЖс
 123456
78910111213
14151617181920
21222324252627
282930