Инфляция АҚШ-ты да алқымнан алды
АҚШ-та жылдық инфляция сегіз пайызды құрап отыр. Статистиканы елдің еңбек министрлігі ұсынды, деп хабарлайды Egemen.kz.Деректерге зер салсақ, бұл соңғы 40 жылдың бедеріндегі ең жоғары көрсеткіш екен. Сондай-ақ АҚШ-та жанармай мен мұнай бағасының қымбаттауынан күнделікті тауар құны да шарықтай түскен. Президент Джо Байденнің айтуынша, инфляцияның ушығуына соңғы бір айда газ бен энергия көзінің қымбаттауы да әсер еткен.
