Украина төтенше жағдай енгізу туралы шешім қабылдады
Қажет болған жағдайда 60 күнге дейін ұзартылуы мүмкін. Украинаның Ұлттық қауіпсіздік және қорғаныс кеңесі ел аумағында отыз күндік төтенше жағдай режимін енгізу туралы шешім қабылдады, деп хабарлайды inbusiness.kz "Украинская правда" сайтына сілтема жасап.23 ақпанда өткен брифингте ҰҚҚК хатшысы Алексей Данилов шектеулер аймаққа байланысты қабылданатынын атап өтті. Донецк және Луганск облыстарында әскери ұрыс жүріп жатқандықтан ол аймақтарда жеке құқықтық режим орнатылған. Даниловтың айтуынша, қажет болған жағдайда төтенше жағдай режимі 60 күнге дейін ұзартылуы мүмкін. Енді төтенше жағдай режимін енгізу туралы шешімді Жоғарғы Рада мақұлдауы керек.
