Қытайда халық саны 10 жылда 72 миллион адамға артқан
Қытайда халық саны 2020 жылы 1,41 миллиард адамға жетті, – деп хабарлайды Tengrinews.kz.2010 жылмен салыстырғанда халық саны 72 миллионға артқан. Бұған ҚХР Мемлекеттік статистика басқармасы сайтындағы деректер дәлел.
Соңғы 10 жылда халықтың орташа саны 2000 жылдан 2010 жылға дейінгі 0,57 пайызға қарағанда 0,53 пайыз болып, нәтижесінде халық саны 1,41 миллиард адамға жеткен.
«Халық саны – 1,41178 миллиард адам болды. Көрсеткіш 2010 жылғы 1,33972 миллиард адамға қарағанда 72,06 миллион адамға артқан. Бұл 5,38 пайызға көп», – делінген хабарламада.
Санақ бойынша Қытайда шамамен 723,34 миллион ер адам және 688,44 миллион әйел тұрады. Халықтың шамамен 63,35 пайызы 15 пен 59 жас аралығындағы адамдар, шамамен 18,7 пайызы 60 жастан асқан, тағы 17,95 пайызы 14 жасқа толмағандар.
ҚХР тарихындағы жетінші халық санағы 2020 жылдың 1 қарашасынан 10 желтоқсанына дейін өтті.
Бұған дейін Қытай болашақта планетадағы ең тығыз қоныстанған ел болуды тоқтататынын хабарланған болатын.
