Тура биде туған жоқ
Үстіміздегі жылдың 30 мамырында Алға ауылдық округі, Ү.Түктібаев ауылында «Орынбет ишан» мешітінің ұйымдастыруымен Рамазан айының құрметіне орай «Тура биде туған жоқ» атты ақсақалдар арасында шешендік өнер сайысы өткізілді. Сайысқа жалпы 10 ардагер қатысып, қазақтың би-шешендерінің дауды шешудегі ұтымды ойлары мен әділ шешімдері, тапқырлықтары туралы хикаяларды ортаға салды.Сайысқа қазылық жасаған аудандық «Жанқожа батыр» мешітінің бас имамы Б.Сүлейменов, аудандық ардагерлер кеңесі төрағасының орынбасары М.Дүйсен және мәдениет саласының майталманы, ақын Е. Ағыраев әділ бағасын берді.
Нәтижесінде 1-ші орын Шөмекей Мәлкаждар, 2-ші орын Томаев Алмағамбет, 3-ші орынды Берденов Сержан қожа, 4-ші орынды Есекеев Құдайберген ақсақал иемденді.
Аталмыш шараның өз деңгейінде өтуіне «N СтройСервис» ЖШС директоры Әлжан Жеткербаев қол ұшын беріп, демеушілік жасады.
Шара соңы ауыз ашар рәсіміне ұласып, дұға жасалды.
"ҚАЗАЛЫ" ақпарат
