Қазалы Қазалы аудандық қоғамдық-саяси газет
» » » «Шаш өсіру – біздің отбасымызда қалыптасқан дəстүр»

«Шаш өсіру – біздің отбасымызда қалыптасқан дəстүр»

Әйтеке би кентінде тұратын Алтынбековтер әулетінде қыз бала­ның шашын өсіру үрдіске айналған. Осы әулеттегі Әсел мен Динараның (суретте) шашы белден төмен түседі. Мектеп жасындағы басқа оқушы қыздары да шаштарын қиюды жөн санамайды.
Мәселен, Динара: «Шашымды 5 сыныптан бері өсіріп келе жатырмын. Қазір 11 сынып оқушысымын. Майсана майымен күтемін. Шашымның бұдан әрі ұзын болғанын қалаймын. Табиғи түсі осындай қара. Бояған жоқпын», – дейді.
Ал, шашын үнемі қос бұрым етіп өріп жүргенді ұнататын Әсел шашына арнайы күтім жасамайды екен. Тіпті, ұзын әрі қалың шашының сусабын таңдамайтыны таң қалдырды. Әсел 5 сыныптан бері шаш қимаған. Бояп та көрмепті.
«Біздің әулеттегі қыздардың бәрі­нің шашы ұзын. Шаш өсірген өзі­мізге ұнайды. Жуу, тарауда еш қиындық туындамайды. Бұрымымды қиюды ойламаппын. Керсінше, әлде де өсіре беремін. Шаш – қыз­дың көркі ғой. Әрбір қыз балаға шашының ұзын болғаны жарасымды. Сондықтан құрбыларымды шаш өсіруге шақырамын», – деп Әсел де ағынан жарылды.
Ұлболсын ТАЛАПБАЕВА.
07 наурыз 2018 ж. 2 768 0

Жаңалықтар мұрағаты

«    Қаңтар 2021    »
ДсСсСрБсЖмСбЖс
 123
45678910
11121314151617
18192021222324
25262728293031