Ереже бұзған 67 талапкер магистратураға түсу мүмкіндігінен айырылды
Магистратураға түсуге арналған кешенді тестілеудің аралық қорытындыcы жарияланды. Магистратураға түсуге арналған кешенді тестілеу басталғалы 43 мыңнан астам талапкер емтихан тапсырды, деп хабарлайды Jambylinfo.kz
Ғылыми-педагогикалық бағыт бойынша қатысушылардың 44%-ы, ал бейіндік бағыт бойынша 21%-ы шекті балл жинады. Орташа көрсеткіш ғылыми-педагогикалық бағытта – 75 балл, бейіндік бағытта – 23 балл. Ең жоғары нәтиже – 138 балл.
Ғылыми-педагогикалық бағыт бойынша қатысушылардың 44%-ы, ал бейіндік бағыт бойынша 21%-ы шекті балл жинады. Орташа көрсеткіш ғылыми-педагогикалық бағытта – 75 балл, бейіндік бағытта – 23 балл. Ең жоғары нәтиже – 138 балл.
Осы уақытқа дейін 67 талапкердің нәтижесі жойылды. Оның ішінде 49 адам смартфон, шпаргалка және басқа да тыйым салынған заттарды алып өтуге әрекеттенсе, 18 талапкер тестілеу кезінде ережені бұзғаны үшін аудиториядан шығарылды.
Тестілеу нәтижесімен келіспегендер емтихан аяқталғаннан кейін 30 минут ішінде онлайн-апелляцияға өтініш бере алады. Өтініш 7 жұмыс күні ішінде қаралады.
Еске салайық, магистратураға түсуге арналған кешенді тестілеуге 61 мыңнан астам өтініш қабылданған. Биыл магистратурада оқуға шамамен 11 мың білім гранты бөлінді.
