Еліміздің тек бір қаласында ауа сапасы нашарлайды

11 мамырда Ақтөбе қаласында ауаның ластануына ықпал ететін қолайсыз метеорологиялық жағдайлар күтіледі, деп хабарлайды Azattyq Rýhy «Қазгидромет» РМК-ға сілтеме жасап.

Мамандардың болжамы бойынша, бүгін Ақтөбе қаласында атмосфералық ауаның жерге жақын қабатында зиянды заттардың жиналуына әкелетін метеофакторлар жиынтығы қалыптасады. Оған көбіне әлсіз жел, тұман және инверсия жатады. Мұндай жағдайда өндірістік қалдықтар мен көлік түтіні сейілмей, ауада тұрып қалады.

Ауаның ластануы кезінде мамандар келесі ережелерді сақтауды ұсынады:

1. Тас жолдар мен өндіріс орындарына жақын жерде ұзақ жүрмеген абзал.

2. Өкпе, жүрек-қан тамырлары аурулары бар және аллергияға бейім жандар өзімен бірге қажетті дәрі-дәрмектерін алып жүруі тиіс.

3. Таза ауада спортпен шұғылдануды немесе ауыр физикалық жұмыс істеуді уақытша тоқтата тұрған жөн.