Қазақстанда жаңа туған сәбилерді сату «қара нарықта» 500 мың теңгеден басталады
Сурет: pixabay.comАдам саудасы елімізде өршіп тұр: оның ішінде нәрестелерді сату көп. Әкімшілік полиция комитеті адам саудасына қарсы күрес басқармасы бастығының орынбасары Шынар Көчербаева жаңа туған сәбилерді сатып алу-сату себептері туралы айтты, деп хабарлайды KYN.KZ ақпарат агенттігі.
Оның айтуынша, кәмелетке толмағандарды саудалау бабымен жыл басынан бері 19 іс тіркелген. Жаңа туған сәбилерді сату деректері бүкіл ел бойынша анықталуда. Мұндай мәмілелерге делдалдар да қатысып, өз бетінше ізденіп, схемалар құрады.
Шетелге алып шығу фактілері жоқ. Сатушы да, сатып алушы да бірдей жауапкершілікке тартылады. Кейде ата-аналар баланы асырай алмайды. Әсіресе, қалаға келіп, баланы жоспарламаған қыз-келіншектер болады. Материалдық жағдайының қиындығынан осындай қылмысқа барады. Тәжірибеге сәйкес, сома 500 мыңнан 1,5 миллион теңгеге дейін жетеді. Балалардың тағдырын кейін сот шешеді.
