Сенің учаскең - сенің смартфоныңда

Қазалы ауданы әкімі сайлауына байланысты арнайы платформа іске қосылды

28 қыркүйекте Қазалы ауданы әкімінің сайлауы өтеді. 

Аудан тұрғындары үшін saylau.orda.gov.kz

сайты қолжетімді. Азаматтар сайтқа кіріп, ЖСН нөмірін теру арқылы өз учаскесін оңай таба алады.

Салаушылар аталған сайтқа кіру арқылы учаскелік сайлау комиссиясының мекен-жайы, байланыс деректері және комиссия мүшелерінің құрамы туралы ақпаратты алады. Сондай-ақ, әрбір азамат яндекс карта арқылы өз учаскесіне баратын жолдың сызбасын да көре алады. Бұл азаматтар үшін өте қолжетімді әрі оңай сервис болмақ.

Мұнда әрбір дауыс беруші азамат ЖСН теру арқылы қажетті ақпаратты көре алады.

Мұнан бөлек, сайлау кезінде жергілікті тұрғындар үшін «Жедел әрекет ету орталығы» КММ-нің 109 бірыңғай байланыс қызметі 24/7 жұмыс жасауға дайын. Диспетчерлер тұрғындардың сауалдарына жауап беріп, учаскелердің мекен-жайы туралы ақпарат беретін болады.