«Таңғы сағат 7:30-да басталады»: Астанада енді жұмыс кестесі өзгереді

Жаңа тәртіпке қалалық коммуналдық қызметтер, Астана әкімдігі, сондай-ақ мемлекеттік және жартылай мемлекеттік ұйымдар кіреді.

Фото: www.istockphoto.com

Астанада 15 қыркүйектен бастап кейбір ұйымдар жаңа жұмыс кестесіне көшеді. Қала әкімдігі мұны жолдағы кептелісті азайту үшін жасап отыр екен, – деп хабарлайды Aikyn.kz сайты.

Жаңа тәртіпке қалалық коммуналдық қызметтер, Астана әкімдігі, сондай-ақ мемлекеттік және жартылай мемлекеттік ұйымдар кіреді. Бұл мекемелердің жұмысы таңғы 7:30-да басталады, ал кейбірі 8:00-де кіріседі. Жұмыс күні де ертерек аяқталады.

Ал жеке сектор, мектептер, балабақшалар, ауруханалар, емханалар, ХҚКО және әлеуметтік мекемелердің кестесі өзгермейді.

Айта кеткен жөн, маусым айында осындай тәжірибе Алматы облысында да енгізілген еді. Онда мемлекеттік қызметкерлер жұмысты таңғы 8:00-де бастайтын болып бекітілген.