Қазақстанның үш қаласында ауа сапасы нашарлайды: мамандар ескерту жасады
Олар ластаушы заттардың ауада таралуына кедергі келтіріп, шоғырлануына ықпал етеді
Фото: istockphoto.com
Синоптиктердің мәліметінше, 7 тамыз күні еліміздің үш қаласында атмосферада ластаушы заттардың шоғырлану деңгейі жоғары болады, деп хабарлайды Azattyq Rýhy.
Бұл жағдай зиянды қоспалардың жер бетіне жақын қабатында жиналып, ауада таралмауына әкелетін бірқатар метеорологиялық фактордың үйлесуімен байланысты.
«2025 жылдың 7 тамызында қолайсыз метеорологиялық жағдайлар Алматы, Ақтөбе қалаларында, сондай-ақ түнгі уақытта Атырау қаласында күтіледі», – деп хабарлады «Қазгидромет» РМК.
Қолайсыз метеожағдайлар дегеніміз не және олар несімен қауіпті?
Қолайсыз метеорологиялық жағдайлар – бұл мынадай ауа райы құбылыстары:
- желдің болмауы (штиль);
- өте әлсіз жел;
- тұман;
- температуралық инверсия.
Олар ластаушы заттардың ауада таралуына кедергі келтіріп, шоғырлануына ықпал етеді. Бұл, әсіресе тығыз құрылыс аймақтарында немесе өндірістік орындарда ауа сапасының уақытша нашарлауына алып келеді.
