Терден жағымсыз иіс шығуының себебі неде?
Фото: depositphotos.comДерматолог Отавио Маседо тердің жағымсыз иісі гигиенаның нашарлығына ғана байланысты емес екенін айтты. Ол Veja басылымына берген сұхбатында мұның басты себептерін атады, - деп хабарлайды Massaget.kz.
"Күйзеліс, мазасыздық тер бездерін, әсіресе, апокрин бездерін ынталандыруы мүмкін. Олар тер шығаруға жауапты", - деп түсіндірді Отавио Маседо.
Сондай-ақ, маманның айтуынша, сарымсақ, пияз, карри, ішімдік пен өңделген тағамдар тердің иісін өзгертуі мүмкін. Сондықтан дәрігер дұрыс тамақтану және суды көп ішу маңызды екенін айтты.
Оған қоса синтетика секілді материалдар терді көбірек сақтайды және бактерия көбеюіне ықпал етеді. Осыған байланысты Отавио Маседо мақта мен зығыр сияқты табиғи матадан жасалған киімдерді таңдауға кеңес берді.
Еске салайық, бұған дейін тершеңдіктен қалай арылуға болатыны айтылды.
