Қазақстандағы Яндекс Іздеудің үлесі 24%-дан асты
Фото: Yandex Qazaqstan2024 жылдың басынан бері Қазақстандағы Яндекс Іздеудің нарықтағы үлесі 40%-ға артты. Бұл көрсеткіш елдегі іздеу жүйелері арасындағы сервистің үлесін көрсетеді және бүгінде ол 24%-дан жоғары.
Қызметтің танымалдығының артуына бірқатар жаңа шешімдердің енгізілуі әсер етті: нейрожелілердің арқасында ақпаратты іздеу жылдамырақ әрі ыңғайлы бола түсті, ал қазақ тіліндегі контент қолжетімді бола бастады.
Бүгінде Яндекс Іздеу Қазақстандағы пайдаланушылардың күніне 9 миллионға дейін сұранысын өңдейді. Оның ішінде 1,6 миллионнан астамы — тауарлар мен қызметтерге қатысты. Кейінгі жылда бірқатар категория бойынша сұраныс айтарлықтай өсті:
автокөлік тақырыбындағы сұраныстар — 31%-ға,
қаржы — 29%-ға,
қызметтер — 24%-ға,
саяхат — 23%-ға,
онлайн-сатып алу — 18%-ға артты.
Yandex Qazaqstan туралы
Yandex Qazaqstan — машиналық оқыту мен нейрожелілер негізінде өнімдер мен сервистерді жасайтын технологиялық компания. Компания пайдаланушылардың өмірін жеңілдетуге және Қазақстандағы цифрлық ортаны дамытуға бағытталған инновациялық технологияларды әзірлеу және енгізумен айналысады.
Бүгінде ел аумағында іздеу, қалалық, бұлтты және ойын-сауық сервистері жұмыс істейді, сонымен қатар компания білім беру мен әлеуметтік жобаларды дамытып жатыр.
