2026 жылдан бастап зейнетақы мен жәрдемақы қанша пайызға өсетіні белгілі болды

Министрліктің ресми жауабында келтірілген деректерге сүйенсек, келесі жылы әлеуметтік төлемдерге 6,8 триллион теңге бағытталады.

2026 жылдың 1 қаңтарынан бастап елімізде зейнетақы мен әлеуметтік төлемдер 10,5 пайызға индекстеледі. Бұл жаңашылдық 2,6 миллионнан астам зейнеткер мен 2,3 миллионға жуық жәрдемақы алушы азаматты қамтиды, – деп хабарлайды Aikyn.kz сайты.
Министрліктің ресми жауабында келтірілген деректерге сүйенсек, келесі жылы әлеуметтік төлемдерге 6,8 триллион теңге бағытталады. Бұл – 2025 жылғы көлеммен салыстырғанда 860,5 миллиард теңгеге артық.
Қаражаттың негізгі бөлігі 622,6 миллиард теңге төлемдерді индекстеуге жұмсалмақ. Ал 237,9 миллиард теңге жәрдемақы алушылар санының көбеюіне байланысты бөлінеді.
Қандай төлемдер өзгереді?
2026 жылы 10,5%-ға өсетін төлемдер қатарына келесі жәрдемақы түрлері кіреді:

ынтымақты және базалық зейнетақы;
мүгедектігі бар азаматтарға берілетін жәрдемақылар;
асыраушысынан айырылғандар үшін мемлекеттік төлемдер;
балалы отбасыларға арналған жәрдемақылар (бала туу, 1,5 жасқа дейінгі күтім, мүгедек баланы тәрбиелеу, көпбалалы отбасыларға арналған);
арнаулы мемлекеттік және кәсіби жәрдемақылар;
І топ мүгедектеріне күтім көрсететіндерге арналған төлемдер;
№1 және №2 тізімдер бойынша арнайы төлемдер;
жерлеу рәсіміне төленетін жәрдемақылар.

Үкімет бұл қадамды инфляцияның әсерін азайту және азаматтардың табысын нақты деңгейде сақтау мақсатында қабылдап отыр.
2025 жылғы негізгі көрсеткіштер қандай?
Қазіргі таңда әлеуметтік төлемдер келесі мөлшерде белгіленген:

ең төменгі күнкөріс деңгейі – 46 228 теңге;
ең төменгі зейнетақы – 62 771 теңге;
базалық зейнетақы – 32 360 теңге;
ең төменгі жалақы – 85 000 теңге;
айлық есептік көрсеткіш (АЕК) – 3 932 теңге.

Бала туғанда берілетін жөргекпұл:

бірінші, екінші және үшінші бала үшін – 149 416 теңге (38 АЕК);
төртінші және одан кейінгі бала үшін – 247 716 теңге (63 АЕК).

1,5 жасқа дейінгі бала күтіміне берілетін ай сайынғы төлем:

1-балаға – 22 648 теңге;
2-балаға – 26 777 теңге;
3-балаға – 30 867 теңге;
4-балаға – 34 335 теңге.

Көпбалалы отбасыларға төленетін жәрдемақы:

4 бала – 63 030 теңге;
5 бала – 78 798 теңге;
6 бала – 94 565 теңге;
7 бала – 110 332 теңге.

Әр қосымша балаға 15 728 теңге (4 АЕК) қосылады. Мысалы, 12 баласы бар отбасы ай сайын 188 736 теңге алады.
Аналарға арналған марапаттық жәрдемақылар: