Қазақстанда тағы бір қосымша демалыс күні пайда болуы мүмкін
Фото: pixabay.comҚазақстанда тағы бір мереке күні пайда болып, қосымша демалыс берілуі мүмкін, деп хабарлайды BAQ.KZ.
Бұл туралы Үкімет үйінде өтіп жатқан баспасөз мәслихатында Еңбек және халықты әлеуметтік қорғау вице-министрі Асқарбек Ертаев мәлімдеді.
БАҚ өкілдері вице-министрден 1 маусым күні мемлекеттік мереке ретінде белгіленіп, қосымша демалыс берілуі мүмкіндігі туралы сұрады.
Елімізде қазіргі таңда барлығы 10 мемлекеттік мереке бар. Мұндай ұсыныстар бұған дейін түскен. Қазіргі таңда қарастырылып, мемлекеттік органдармен, сарапшылармен талқыланып жатыр. Бұл келіссөздердің нәтижесін өздеріңізге қосымша хабарлайтын боламыз, - деп жауап берді Асқарбек Ертаев.
Еске салайық, бұған дейін қазақстандықтар 2025 жылы қанша күн демалатыны туралы жаздық.
