Медицина қызметкерлеріне шабуыл жасағандар 15 жылға дейін сотталуы мүмкін
Егер бұл қылмыс төтенше жағдай кезінде жасалса, жаза мерзімі 10 жылға дейін ұзарады.
Фото: pixabayДенсаулық сақтау министрі Ақмарал Әлназарованың айтуынша, Қазақстанның Қылмыстық кодексіне медицина қызметкерлерін қорғауға бағытталған жаңа бап енгізіледі (158-бап, 1-тармақ), деп хабарлайды Skifnews.kz ақпарат порталы.
Медицина қызметкеріне күш қолданамын деп қоқан-лоққы көрсеткендерге екі жылға дейін бас бостандығын шектеу жазасы қарастырылған.
Медициналық қызметкерге шабуыл жасағандар 2 жылдан 7 жылға дейін бас бостандығынан айырылады.
Егер бұл қылмыс төтенше жағдай кезінде жасалса, жаза мерзімі 10 жылға дейін ұзарады.
Бірнеше адамнан құралған топ бір мезетте бірнеше медицина қызметкеріне шабуыл жасаса, 15 жылға дейін бас бостандығынан айырылуы мүмкін. Заңнамаға енгізілетін өзгерістер жобасы биылғы қыркүйекте Парламентке ұсынылады.
