Қазақстанда күндіз де шулауға тыйым салынған: заңгерлер не дейді?
Фото: pexelsКөпшілік тек түнгі уақытта шулауға болмайды деп ойлайды. Алайда Қазақстанда күндіз де шуыл нормалары бұзылған жағдайда айыппұл салынуы мүмкін, деп хабарлайды El.kz интернет порталы.Неліктен күндіз шулауға болмайды?
Қазақстандықтардың көбісі тыныштық сақтау ережелері тек түнде ғана қолданылады деп санайды. Бірақ Қазақстан Республикасы Денсаулық сақтау министрлігінің санитарлық нормаларына сәйкес, пәтердегі шу деңгейі күндізгі уақытта да нақты реттелген. Бұл туралы UP Lawyers компаниясының заңгері Индира Өмірзақова ескертеді.
Көпшілігі таңғалуы мүмкін: Қазақстанда тек түнде емес, күндіз де шулауға тыйым салынған. Санитарлық нормалар бойынша, түнде рұқсат етілетін ең жоғары шу деңгейі 45 децибел, ал күндіз — 55 децибел. Салыстырмалы түрде айтсақ, бұл микротолқынды пештің жұмыс істеу дыбысына сәйкес келеді, — деп түсіндіреді ол.
Шу нормасын бұзғаны үшін қандай айыппұл қарастырылған?
Егер көршілер тіпті күндізгі уақытта да 55 децибелден жоғары шу шығарса, бұл тыныштық ережелерін бұзу болып есептеледі. Мұндай құқықбұзушылық үшін айыппұл көзделген.
Қазақстан Республикасының Әкімшілік құқық бұзушылық туралы кодексінің 425-бабына сәйкес, рұқсат етілген шу деңгейін асыру айыппұл түріндегі жауапкершілікке әкеледі. Оның мөлшері шамамен 80 мың теңгені құрауы мүмкін, — деп нақтылайды заңгер.
Сонымен қатар, Индира Өмірзақова мұндай қатал талаптармен келіспейтінін білдірді, әсіресе жөндеу жұмыстарына қатысты.
Қазақстанда пәтерде жөндеу жұмыстарын жүргізу заңды бұзбай өткізу мүмкін емес сияқты. Кез келген көрші шағым түсіріп, сізге айыппұл салдырта алады. Менің ойымша, бұл дұрыс емес, — дейді сарапшы.
Заңгер тұрғындарға өзара құрмет көрсетуге және шуыл шығаратын жұмыстарды көршілермен алдын ала келісіп алуға кеңес береді. Бұл даулы жағдайлардан аулақ болуға көмектеседі.
Бұған дейін Қазақстанда құстарды тамақтандыруға айыппұл салынатыны туралы жазған едік.
