Қазақстандық үш боксшы әлем кубогын жеңді
Фото: Stan.kz коллажыАстанада өтіп жатқан бокстан әлем кубогын үш қазақстандық жеңіп алды. Бұл туралы Stan.kz ақпарат агенттігі хабарлайды.
Назым Қызайбай Астанада өткен бокстан әлем кубогы кезеңінде Қазақстанға алғашқы алтынын әкелді. Ол шешуші жекпе-жекте үндістандық Минакшиді жеңді.
Назым Қызайбай Астанада өткен бокстан әлем кубогы кезеңінде Қазақстанға алғашқы алтынын әкелді. Ол шешуші жекпе-жекте үндістандық Минакшиді жеңді.
Махмұд Сабырханның қарсыласы жапониялық Руи Ямагучи финалда жұдырықтасудан бас тартты. Сол себепті алтын медаль қазақстандық боксшыға бұйырды.
Бекзад Нұрдәулетов 85 келі салмақта үндістандық Жугно Жугномен жұдырықтасып, жеңіске жетті. Қазақстандық боксшы алғашқы раундтан-ақ қарсыласын нокдаунға түсіріп, 5:0 есебімен әлем кубогы алтын жүлдесін жеңіп алды.
Ал Нұрбек Оралбай француз Йожерлин Сезардан финалда жеңіліп, күміс жүлдеге ие болды.
Бұған дейінәлем кубогының финалына 12 қазақстандық боксшы шыққаны айтылды.
