Министрлік қазақстандық талапкерлерге үндеу жасады

Фото:gov.kz
Қазақстан жоғары оқу орындарына қабылдау науқаны мамырда басталып, тамызда аяқталады, - деп хабарлайды Tengrinews.kz.

Білім министрлігі 2025/2026 оқу жылына Қазақстанның жоғары оқу орындарына қабылдау күнтізбесін жариялады.

Негізгі ҰБТ 16 мамырда басталып, 7 шілдеге дейін жалғасады.

ЖОО-ларға құжат қабылдау 20 маусым мен 25 тамыз аралығында жүргізіледі.

20 маусым мен 20 тамыз аралығында "Педагогикалық ғылымдар" мен "Денсаулық сақтау" бағыттары бойынша білім беру бағдарламаларына түсетін талапкерлер үшін арнайы емтихандар өтеді (конкурсқа қатысу үшін — 20 шілдеге дейін).

Шығармашылық емтихандарға қатысуға өтініштер 20 маусымнан 10 тамызға дейін қабылданады (конкурсқа — 7 шілдеге дейін).

Шығармашылық емтихандар 7 шілде мен 15 тамыз аралығында өтеді (конкурсқа — 20 шілдеге дейін).

Білім беру гранттары конкурсына қатысуға өтініштерді 13–20 шілде аралығында беруге болады.