Мүгедектерге арналған орындарды заңсыз сатқан: ҚТЖ жолсеріктерді жұмыстан шығарды
Фото: ҚТЖ баспасөз қызметіАлматы-2 вокзалында мүмкіндігі шектеулі жандарға арналған орындарды заңсыз сату фактісі тіркелді. Сонымен қатар, пойыз тамбурында темекі шегу әрекеті де болғаны белгілі болды, деп хабарлайды BAQ.KZ
"Қазақстан темір жолы" ұлттық компаниясының баспасөз қызметіне сілтеме жасап.
ҚТЖ-ның ішкі қызметтік тергеуі нәтижесінде аталмыш пойыздың жолсеріктері жұмыстан шығарылды. Ал пойыз бастығына қатаң сөгіс жарияланды, - делінген хабарламада.
Компания өкілдері пойыздардағы заңсыз әрекеттерге "нөлдік төзімділік" саясаты ұстанылатынын баса айтты.
ҚТЖ алдағы уақытта мұндай тексерулерді барлық жолаушылар пойыздарында жүйелі түрде жүргізетінін мәлімдеді. Сонымен қатар, азаматтарды билетсіз тасымалдау, орындарды заңсыз сату немесе қайта сату фактілерін фото, видео, аудио материалдармен бірге WhatsApp нөмірі +7 (776) 714-56-86 немесе @jolaushylar_tasymaly парақшасының direct бөліміне жолдауға шақырды.
