Қазгидромет Алматы мен 4 қаланың тұрғындарына ескерту жасады
Фото ©️ Tengrinews.kz / Алихан СариевҚазгидрометтің синоптиктері Алматы мен тағы төрт қаланың тұрғындарына ескерту жасады, - деп хабарлайды Tengrinews.kz.
"2024 жылғы 27 желтоқсанда Алматы, Ақтөбе, Орал, Өскемен, Жезқазған қалаларында қолайсыз метеорологиялық жағдайларға байланысты ауаның ластануы күтіледі. Бұл қалаларда ауа райы атмосферада ластаушы заттардың жиналуына ықпал етеді", - делінген хабарламада.
Қолайсыз метеорологиялық жағдайлар - атмосфералық ауаның беткі қабатында зиянды заттардың шоғырлануына ықпал ететін қысқа мерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.
