2025 жылы Қазақстанда 40 мыңнан астам ер адам әскерге шақырылады
Сурет: ratel.kzКелесі жылы мерзімді әскери қызметке шақыруға қатысты Үкімет қаулысы жарияланды, деп хабарлайды KYN.KZ ақпарат агенттігі.
Қаулыда 2025 жылғы наурыз-маусым және қыркүйек-желтоқсан аралығында әскерден босатылуға құқығы жоқ немесе кейінге қалдыру құқығы жоқ 18-27 жас аралығындағы ер азаматтардан 41 706 адамды әскерге шақыру көрсетілген.
Ішкі істер министрлігі әскерге шақырылушыларды жинау және әскерге жіберу орындарында полиция қызметкерлерінің күшейтілген кезекшілігін жүзеге асырады.
Жергiлiктi атқарушы органдар шақыру учаскелерi мен медициналық комиссиялардың жұмысын, ал тиiстi мемлекеттiк органдар әскерге шақырылушыларды жинау және әскерге жiберу орындарында полиция кезекшiлiгiнiң күшейтiлуiн, қызметтен босатылған әскери қызметшiлер мен қызметке шақырылған азаматтарды тасымалдауды қамтамасыз етуге мiндеттi. .
Көлік министрлігі мерзімді әскери қызметін өтеген сарбаздарды запасқа шығару және әскерге шақырылған азаматтарды тасымалдауды қамтамасыз етеді.
