Қазалы Qazaly.kz ақпараттық агенттігі
» » Жол картасына енген өңірлердегі базарлардың саны артуы мүмкін

Жол картасына енген өңірлердегі базарлардың саны артуы мүмкін

Фото: Мақсат Шағырбаев / Kazinform
ҚР Сауда және интеграция министрлігі Сауда комитетінің төрағасы Айдар Әбілдабеков базарларын дамыту жоспары туралы түсінік берді.

«Сауда инфрақұрылымын дамыту жұмыстары жалғасып жатыр. Заманауи сауда форматының үлесі 33 пайызға дейін жетті. Оның ішінде 19 базарды жаңғырту, сауда орталықтарын салу және өнімді сақтау инфрақұрылымын дамыту есебінен іске асты. Атап айтқанда, базарларды жаңғырту жұмысы ерекше бақылауда тұр», - деді А. Әбілдабеков Орталық коммуникациялар қызметіндегі баспасөз мәслихатында.

Оның айтуынша, сауда базарларын дамыту жөнінде жол картасы бекітілді.

«Жалпы, жол картасы аясында 75 базарды жаңғырту көзделген. Қазір сауда базарлары қала құрылысы, санитарлық әрі өрт стандарттарына сәйкес келе бермейді. Сондықтан, біз қазір өңірлерге барып, базарларды жаңғырту бойынша жүргізіліп жатқан жұмыстарға мониторинг жасап, жаңғыртуы қажет объектілерді анықтап жатырмыз. Қазіргі кезде қосымша 64 жаңғыртылуы қажет сауда базары анықталған. Бұл тұрғыда таяуда жол картасына өзгеріс енгізбекпіз», - деді ведомство өкілі.
18 маусым 2024 ж. 80 0

Жаңалықтар мұрағаты

«    Шілде 2024    »
ДсСсСрБсЖмСбЖс
1234567
891011121314
15161718192021
22232425262728
293031