Доллар сәл арзандады
Қазақстан қор биржасы (KASE) 15:30-дағы жағдай бойынша доллардың орташа сараланған бағамы 2,16 теңгеге төмендеп, 476,89 теңге болғанын мәлімдеді, деп хабарлайды zakon.kz.Ресей рублінің орташа сараланған бағамы 7,53 теңгеге (+0,01) дейін көтерілді.
Қытай юанінің орташа сараланған бағамы төмендеп, 66,48 теңге (-0,39) болды.
Еуро бойынша сауда-саттық болған жоқ. Еуро бағамын Ұлттық банк 466,14 теңге деп белгіледі. Кешегі саудада еуро бағамы 464,20 теңге болды.
Ақша айырбастау орындарында доллар – 476-479 теңге, еуро – 462,5-468 теңге, ресей рублі – 7-7,35 теңге аралығында саудаланып жатыр.
Ал 14 қазандағы аукционда мұнайдың әлемдік бағасы төмендеді.
Brent маркалы мұнайдың желтоқсандық фьючерстерінің құны 0,76%-ға төмендеп, барреліне 93,85 доллар болды.
Қараша айындағы WTI мұнайының фьючерстері 0,66%-ға төмендеп, барреліне 88,52 доллар болды.
