Қазақстан құрамасы ФИФА рейтингінде көтерілді
Қазақстан ұлттық құрамасы Халықаралық футбол қауымдастықтарының федерациясы (ФИФА) жариялаған рейтингте он бір сатыға жоғарылады. Жаңа рейтинг 2022 жылдың 23 маусымында шықты. Қазақстан құрамасы жаңартылған рейтингте 114-орынға жайғасты, деп хабарлайды Экспресс К.
Айта кетейік, Магомед Адиев жаттықтыратын Қазақстан құрамасы УЕФА Ұлттар лигасында төрт ойын өткізіп, Әзербайжан (2:0), Беларусь (1:1) және екі рет Словакия (1:0, 2:1) командаларымен кездесті.
Қазақстан құрамасы ұпай санын 10-ға жеткізіп, С дивизионының 3-тобында көш бастады.
Енді ұлттық құрама қалған ойындарын қыркүйек айында өткізеді. 22 қыркүйекте Беларусьты қабылдаса, үш күннен кейін сырт алаңда Әзербайжанмен кездеседі.
