Олимпиада ойындарының отаны – Грекияның Олимпия қалашығында алауды табыстау салтанатының соңғы дайындығы пысықталды, деп хабарлайды «Хабар 24».
Коронавирус шектеулеріне байланысты әзірлік шараларын тамашалауға көрермендер жіберілген жоқ. Қалыптасқан дәстүр бойынша алауды 2022 жылы қысқы Олимпиада өтетін Бейжіңге табыстау рәсімі бүгін өтуі тиіс. Іс-шараға қытай делегациясы қатысады. Айта кетейік, Бейжіңдегі қысқы Олимпиада келесі жылдың ақпанында, ал Паралимпиада наурызда өтеді деп белгіленген.