Азия кубогы: қазақстандық дзюдошылар 5 медаль жеңіп алды
Жарыстың бірінші күнінде ұлдар 60, 66, 73 келіге дейінгі, қыздар 48, 52, 57 келіге дейінгі салмақта өзара мықтыны анықтады. Қазақстан сапынан сынға түскен дзюдошылар 3 алтын, 1 күміс және 1 қола жүлдеге ие болды. Ислам Тоқтасын (66 келі) мен Зарина Сарипова (57 келі) ел қоржынына қос алтынды салды. 73 келіге дейінгі салмақта қазақстандық қос балуан Жанасыл Ануаров пен Азамат Күміспаев финалға шықты. Кездесу Жанасылдың еншісіне шешіліп, жеңімпаз атанса, Азамат күміспен күптелді. Ал осы салмақта Айбар Мұқышев қоланы қанағат тұтты.
