Қазалы ауданы әкімінің өкімімен Еркебай Ғалымжан Бақтығалиұлы Қазалы ауданы әкімінің орынбасары лауазымына тағайындалды.

Ғалымжан Бақтығалиұлы 1981 жылы 4 қаңтарда Сырдария ауданы, Шаған ауылында дүниеге келген. Білімі жоғары, 2005 жылы Қорқыт Ата атындағы Қызылорда мемлекеттік университетін жерге орналастырушы, 2010 жылы заңгер мамандықтары бойынша бітірген.

Еңбек жолын 1997 жылы Шаған агрофирмасында жұмысшы болып бастаған.

2006-2007 жылдары «Қызылордажер» мемлекеттік коммуналдық кәсіпорнында техник қызметкері, инженер болып бастаған. 2007-2008 жылдары «Қызылордажер 2» жер-сәулет фирмасында жеке еңбекшарты негізінде «жер қатынастары және заңдастыру» бөлімінің бастығы, 2008-2012 жылдары қалалық сәулет және қала құрылысы бөлімінің жетекші маманы, бас маманы, бөлім бастығы, 2012-2016 жылдары қалалық жер қатынастары бөлімінің бас маманы, сектор меңгерушісі, бөлім бастығы, 2016-2017 жылдары «ГосГрадКадастр» РМК Қызылорда облыстық филиалының директоры қызметтерін атқарған.

2017 жылдың шілде айынан бастап қалалық жер қатынастары бөлімінің басшысы қызметін атқарып келді.