Қазалы Қазалы аудандық қоғамдық-саяси газет
» » 2018 жылы Ресейден 373 мың тоннадан астам бензин импортталды

2018 жылы Ресейден 373 мың тоннадан астам бензин импортталды

2018 жылғы қаңтар-қазанда Қазақстан Республикасы Ресей Федерациясынан 373 212,4 тонна бензин импорттады, деп хабарлады ҚР Ұлттық экономика министрлігінің Статистика комитеті. Сондай-ақ, Қазақстан ресейлік бензинге 180 миллионнан астам доллар жұмсады.


Қаңтар айында Ресейден ең көп айлық импорт көлемі – 69 578,8 тонна (90,7 миллион литр) 34,1 миллион АҚШ долларын, ал ақпан айында – 73 412,9 тонна (91,5 миллион литр) 39,8 миллион АҚШ долларын құраған, наурызда – 125,120,1 тонна (162,4 млн литр) 61,9 млн долларға, ал сәуірде – 86,424,5 тонна (113,4 млн литр) 43,8 млн долларға дейін өсті. Мамыр айында ресейлік бензин импорты күрт төмендеді. Ал маусымда 2 789 тонна (3,6 млн литр) 1,7 млн. долларды, шілдеде – 2,072,5 тонна (2 млн. тоннаны) 1,2 млн долларды, тамызда – 1432,1 тонна (1,9 млн литр) 804,7 мың долларды құрады.

Сонымен бірге, қыркүйек-қазан айларында Ресей Федерациясынан Қазақстанға бірде-бір тонна бензин әкелінбеді. Тамыз айында Қазақстан Ресей Федерациясынан теміржол арқылы бензин импортына үш айға тыйым салынған еді. Бұл шектеу Павлодар, Шымкент және Атыраудағы үш қазақстандық мұнай өңдеу зауытын жаңғыртудың аяқталуына және өздерінің мұнай өнімдерінің, бірінші кезекте, бензиннің пайда болуына байланысты болды.

26 желтоқсан күні Энергетика министрі Қанат Бозымбаевтың хабарлауынша, 2018 жылы елдегі мұнай өндіру 90,3 млн тоннаны құрады, бұл 2017 жылға қарағанда 4,7% артық, яғни, 2017 жылы 86,2 млн. тонна мұнай өндірілген .

Сонымен бірге үш ірі жобада мұнай өндіру 53,9 млн. тоннаны құрайды, оның ішінде Қашаған кен орнында 13,2 млн. тонна (2018 жылғы жоспар бойынша 120%), Теңізде 28,6 млн. тонна (2018 жылғы жоспар бойынша 103,3% ), Қарашығанақта – 12,1 млн. тонна (2018 жылғы жоспар бойынша 100,8%).

Мұнай экспорты 2017 жылы 71,5 млн. тоннаны немесе 102,4% құрайды. Ал мұнайды қайта өңдеу көлемі 8% артып, 16,1 млн. тоннаны құраған. 2018 жылдың қаңтар-қараша айларында Қазақстан 3 599 миллион тонна бензин өндірген, бұл 2017 жылдың сәйкес кезеңімен салыстырғанда 28,9 % көп.

05 қаңтар 2019 ж. 195 0

Жаңалықтар мұрағаты

«    Тамыз 2019    »
ДсСсСрБсЖмСбЖс
 1234
567891011
12131415161718
19202122232425
262728293031